Höfum áhrif: Menntun til sjálfbærni á unglingastigi

Lögð verður áhersla á að þátttakendur þjálfist í að beita umbreytandi og gagnrýnum kennsluháttum sem verka bæði valdeflandi á þá og nemendur þeirra. Námskeiðið hefur að leiðarljósi að þátttakendur öðlist faglegar forsendur til að leiða þverfagleg verkefni sem taka á áskorunum samtímans og framtíðarinnar. Þátttakendur kynnast ólíkum hliðum sjálfbærni þar sem lögð verður áhersla á skapandi grenndarnám, borgaravitund og hagnýta nálgun með það að markmiði að þátttakendur geti nýtt sér vinnuna beint inn í eigið starf. Þátttakendur munu m.a. vinna saman í teymum að hugmyndavinnu og gerð kennsluáætlana með verkfærum sem virkja samstarfsfólk.

Viðfangsefni

• Menntun til sjálfbærni Umbreytandi nám
• Geta til aðgerða
• Valdefling
• Borgaravitund
• Grenndarnám
• Gagnrýnin hugsun
• Skapandi skólastarf

Fyrir hverja er námskeiðið?

Starfsþróunarnámskeið fyrir grunnskólakennara á unglingastigi sem vilja auka þekkingu sína á menntun til sjálfbærni.

Hver er ávinningur námskeiðsins?

Í lok námskeiðsins geta þátttakendur:

• Leitt þverfagleg verkefni á sviði sjálfbærni.
• Skipulagt skapandi kennslu sem tekur á álitamálum líðandi stundar.
• Beitt valdeflandi nemendamiðuðum kennsluaðferðum sem leiða til getu til aðgerða.
• Rætt og miðlað ólíkum hliðum sjálfbærni og möguleikum umbreytandi náms.
• Ígrundað skipulag, kennslu og framfarir á sviði sjálfbærni.