Tungumál stærðfræðinnar á miðstigi

Stofnun

Flokkur

Free

Á námskeiðinu er unnið með hvernig styðja má við þróun og uppbyggingu hugtakaskilnings í stærðfræði. Fjallað er um hvernig tungumálið er notað í stærðfræði og sjónum beint að muninum á orðanotkun í hverdagsmáli og tungumáli stærðfræðinnar. Áhersla er lögð á málþroska og hæfni til að beita hugtökum stærðfræðinnar í samskiptum og röksemdafærslu. Í aðalnámskrá grunnskóla (2013) er sérstök áhersla á stærðfræði og tungumál og gert er ráð að nemendur byggi upp hæfni til að tjá sig um stærðfræði.

[Myndband – kynning á námskeiðinu (u.þ.b. 4 mínútur)]

Við lok námskeiðs geta þátttakendur

Fyrir hverja er námskeiðið og hvernig fer skráning fram?

Námskeiðið er fyrir stærðfræðikennara á miðstigi grunnskóla.

[Mynd – nemandi/nemendur og kennari ræða saman]

Hvar og hvernig fer námskeiðið fram?

Grunnhugmyndin er að efni námskeiðsins sé nýtt til að efla og styrkja námssamfélag stærðfræðikennara í gegnum lestur, umræður, tilraunir í kennslu og vangaveltur og ígrundun um þróun stærðfræðikennslunnar í skólanum. Þátttaka í námskeiðinu felst í að hitta samkennara til að ræða og skipuleggja kennslu sem leiðir til málörvandi stærðfræðikennslu.

Hver þátttakandi á námskeiðinu skrifar dagbók þar sem skráðar eru hugleiðingar, áætlanir, athuganir og mat á námi nemenda og kennslunni. Þessi skrif eru mikilvægur undirbúningur fyrir fundi samkennara í námssamfélaginu. Einnig er æskilegt að skrifa fundargerðir á samráðsfundum og senda til skólastjórnenda.

Námskeiðið byggir á sænskri fyrirmynd, með góðfúslegu leyfi Skolverket.

Þróunarhringirnir eru byggðir upp í kringum þrjú grunnviðmið:

tengt stærðfræðinám við daglegt líf
stuðlað að virkri málnotkun
veitt stuðning við notkun tungumálsins

Gert er ráð fyrir að þessi þrjú grunnviðmið séu leiðandi við skipulagningu og undirbúning kennslu þar sem áhersla er lögð á hugtakaskilning og málnotkun.

Þróunarhringur fléttast saman við daglegt starf

Á milli lota styðjast leiðtogar við þessi fjögur skref þróunarhrings, með samkennurum og samstarfsfólki. Þróunarhringurinn er úr smiðju Skolverket í Svíþjóð og nýttur með góðfúslegu leyfi.